過唔到比堅尼嗰關 王詠珩棄選港姐
任職模特兒的王詠珩（Wing）早前獲「澳門選美連盟」挑選成為香港代表參加11月在東京舉行的2017國際小姐，她坦言之前公司也有推薦她參選香港小姐，但她自嘲性格保守，過不了在鏡頭前穿比堅尼的心理關口，所以放棄選港姐的念頭。至於為何參加澳門選美連盟選拔？她解釋：「係上屆嘅國際先生香港代表將我嘅相遞咗畀澳門選美連盟，我家姐都鼓勵我參加，佢話試吓啦，都唔會中。其實參加選拔好似見工，唔需要着泳衣。」
不過參加國際小姐選舉，就不可避免要穿泳衣，問到如何面對？Wing笑說：「我有問大會，佢哋問我係咪想着一件頭，我話睇吓可唔可以着多啲布。」她坦言覺得港姐要承受巨大壓力，非常不容易：「佢哋一參選就畀人評頭品足，我就可以專注做好自己，佢哋要兼顧好多其他嘢。（因為今屆港姐，連帶你都畀人關注？）受到注目都開心。」
場地：富薈馬頭圍酒店
服裝：UNIQUE Fashion
化妝：Candice Li
髮型：Dick Cheng@Reborn Hair Ltd