朱晨麗拍喊戲攰過打餐飽

朱晨麗寧願拍動作戲，瞓一覺便可以回復精神。

身為基督徒的朱朱首次到佛寺拜祭，要打醒精神聽從導演指示，她說：「自己比較少類似經歷，劇集已拍咗一段時間，大家培養咗感情，加上故事感人，講媽媽8歲拋低我，到相認、原諒再因病分開，有好多回憶畀呢場戲。（諗起家人？）又冇，因為父母都係開心果，都係開心嘅回憶。」她說拍喊戲比動作戲更體力透支，拍完久久未能放鬆心情，不像拍動作戲，回家瞓一覺好快就恢復。問到如何調劑心情？她說：「打拳、跑步，可以順便操Fit。」

• 朱晨麗、譚俊彥一臉嚴肅拍致祭戲。