紳士珍藏之選 周國豐愛缺陷美 王嘉恩打煲呔贏Luck
已故著名大律師周啟邦的兒子周國豐（Brandon）及名人王嘉恩（Albert）向來甚有衣着品味，二人亦有收藏煲呔的嗜好。Brandon喜歡以人手打煲呔，認為有種自然的缺陷美，至於Albert則珍藏幸運煲呔，每逢賽馬日才派遣上陣。
周國豐及王嘉恩對衣着非常講究，亦有收藏煲呔的興趣，出席重要場合都會打煲呔上陣，盡顯紳士風範。Brandon稱打煲呔跟平日打領呔的感覺大有不同，認為更莊重及正式，而他對煲呔亦甚有研究：「煲呔分為手打同現成，我鍾意用人手打，不過自己唔係咁擅長，去到最後步驟要畀太太檢查，如果打得唔好我都唔出門口，但我覺得人手打嘅煲呔有種缺陷美係更自然、更靚。」
Albert則認為煲呔能夠反映男士的內涵和修養，揀煲呔就像揀西裝一樣，最緊要夾到，以及帶出當日心情。同時它的價值跟其他男士用品一樣，要視乎收藏者本身，Albert說：「就算本身係廉價，但如果合適自己就會即刻升值。」身為馬主的Albert稱每逢賽馬日都會打煲呔入場，珍藏了幾條幸運煲呔：「會揀啲之前帶過幸運畀我、有『往績』嘅煲呔入場。」
入馬場必備
提到東方表行沙田錦標「時尚煲呔賽馬日」將於本月22日舉行，Brandon表示以往都有出席，認為在港較少場合能這樣盛裝出席，他更透露有計劃做馬主：「以往有抽過，希望不久將來可以做到。」此外，Albert直言沒有打算生小朋友：「都一把年紀，專心事業，賺到錢去多啲賽馬日同買多啲煲呔。」
文：名人組
場地：Attire House