麥嘉欣恨生女延續選美傳奇

2017國際小姐澳門代表、最近人氣急升的麥嘉欣（Sofia），樣靚笑容甜美，被網民瘋狂洗版大讚靚女。Sofia通過「澳門選美連盟」面試挑選，將代表澳門出戰11月在東京舉行的國際小姐選舉。其實Sofia自出娘胎已見慣靚人，因媽咪、阿姨與姑媽也參加過澳門小姐選舉，母親獲殿軍，阿姨更勇奪亞軍，但擁有靚女基因的Sofia因怕醜從沒諗過參加選美：「係屋企人叫我參加，希望可以大膽啲同見識世面，如果將來我有個女，都會叫佢參加，因為好玩又學到嘢！」

媽咪讚眼睛最靚

至於麥媽媽認為現時選美比當年更難更辛苦：「佢哋要做好多嘢，我哋着嘅鞋都冇佢哋咁高啦！（畀幾多分Sofia﹖）90分。（有信心囡囡會贏？）唔好話贏，做到最好。」她大讚女兒眼睛最靚，比她更靚女！

雷莊𠒇	麥嘉欣媽咪乃澳門小姐殿軍，母女都係靚人。	11月將到東京出戰國際小姐選舉，麥嘉欣做足準備。

現年20歲仍在讀大學的Sofia，6歲開始做童裝模特兒，面對鏡頭可謂駕輕就熟，但她仍然會怕醜及緊張，是次出戰國際小姐選舉會努力做準備，包括多運動及減肥，而她的優勝之處是喜歡搞笑及有親和力！

唔介意同雷莊𠒇比較

對於網民將她與今屆港姐冠軍雷莊𠒇作比較，她大感意外：「我同家人都有睇香港小姐競選，第二日就有朋友傳短訊畀我，話有人喺網上講我，呢方面我嘅感覺係正面，覺得好開心，因為大家都係讚我，對我好好。」對於火速被起底，連男友的合照及素顏照亦被翻出，她並不介意，因為可讓別人多了解自己的過去。

文：名人組

場地：富薈馬頭圍酒店

服裝：A Gal Secret Macau

化妝：Candice Li

髮型：Dick Cheng@Reborn Hair Ltd