徐加晴打三份工搵錢留學

樂壇新人徐加晴（Rana）自小已立志做歌手，先後參與不少校園歌唱比賽，曾一個月打三份工儲錢到英國劍橋修讀音樂課程！她坦言由小學開始發Sing夢：「小學參加第一個歌唱比賽就攞冠軍，當時好有成功感！之後日日喺屋企練歌。」出身小康之家的Rana透露一直獲父母支持及鼓勵：「佢哋當初畀過錢我去學唱歌，真係好內疚，覺得佢哋畀我嘅教育就係9年免費教育，之後返第一份工出糧即畀番錢佢哋。」提到當日隻身飛到英國讀音樂的思鄉日子，Rana說：「成日打返嚟問媽咪湯點樣煲。」近年不少女藝人先後收過飯局邀約，問到會否被錢沖昏頭腦？她說：「絕對唔會，自己本身好專心唱歌，冇諗其他嘢。」