遲鈍隊長出洋相 Aka面皮厚攬實祖兒唔放
樂壇組合Super Girls（SG）隊長Aka（趙慧珊），視天后容祖兒為偶像，對她影響深遠，在偶像面前她自嘲面皮厚，每次見祖兒都會主動攬攬。作為隊長的她被指有領導才能，但私底下其實是好鈍的人。她又自爆在鏡頭前出洋相的醜怪事，依然歷歷在目。
Aka亮相東網巨星節目「海馬牌床褥特約」《閨蜜睡房》，與主持李惠儀（Kiwi）傾心事。眾所皆知，Aka是容祖兒的忠實粉絲，她坦言：「祖兒影響我嘅人生好多。」並大讚偶像努力不懈，令她學會加倍努力：「見到祖兒會忍唔住攬佢，好肉緊好衝動，我係好厚面皮，好多謝佢唔怪我。」她還記得第一次見偶像時的情景，忍不住傻笑。
多謝隊友照顧
作為SG隊長，Aka坦言最初有些擔心，慶幸獲隊友信任和支持：「一完咗工作我個人就好Relax，其實我個人好鈍，反而係佢哋照顧我多啲。」問到隊友邊個最低B？她首選老友Heidi，究竟點解呢？至於最聰明的隊友，她就說：「Jessica。」
直播節目衰收尾
Aka自爆一件鮮為人知的瘀事，曾經在電視直播節目衰收尾。腳踏高踭鞋、穿裙的她無端端當眾仆倒，更被攝錄機拍得跌到打觔斗！她笑說：「勁核突。」至今仍然被朋友笑不停。想知道Aka更多笑料及感情世界？記得今個星期五、六、日(目及)實東網巨星節目《閨蜜睡房》，大家可透過東網App及東網網頁收看。
文：音樂組