父女檔追睇香港網球公開賽 王敏德熱捧禾琪

正在港舉行得如火如荼的「保誠香港網球公開賽2017」，掀動全港市民的運動細胞，早前在香港柏寧酒店舉辦的「香港亞洲之友及保誠香港網球公開賽慈善名人午宴」，四位喜愛網球運動的嘉賓名人王敏德、王曼喜（Kayla）及名模Danielle和Amanda S，創作創新的健康菜式。

最愛一家大細雙打

提到本月15日舉行的總決賽，王敏德說：「我會去現場睇，好想見到禾絲妮雅琪，希望有機會握手。我自細就鍾意打網球，仔女細個都有跟教練學。（邊個最有潛質？）阿仔，佢鍾意運動，打籃球同欖球，係有Talent，不過我建議佢揀定一項，網球係一個好運動，可以同仔女四個一齊打。（老婆Janet呢？）佢要幫我哋影相。」王曼喜表示喜歡與父母一同看網球賽：「可以兩三個鐘頭大家坐低溝通吓。」

禾絲妮雅琪	Amanda S.	Danielle

頂級好手雲集香港

有份出席慈善午宴的網球總會會長莫君逸，認為在港舉行的職業賽事不多，故舉行網球公開賽感到好難得：「今次好多世界級網球好手好似大威（V威廉絲）、絲維杜蓮娜、禾絲妮雅琪等，世界排名頭二十名，有多位來港，中國最頂尖嘅好手張帥和王薔都嚟咗，好難得。」

另外，當日的午宴籌得的善款全數捐予港安醫院慈善基金及香港網球總會，香港亞洲之友將按照活動所籌得的善款進行配對捐款，所有捐款會用於港安醫院慈善基金青年成就香港部及Splash Foundation，以幫助本地青年或弱勢社群於身心全面發展，香港網球總會將運用善款為基層兒童提供免費網球培訓課程。