郭秀雲勸吳綺莉做好榜樣

名媛郭秀雲與兒子龐景峰及DJ森美昨日出席香港網球公開賽「粉紅日」。郭秀雲指多年前做身體檢查時發現有良性腫瘤，幸好發現得早，否則會變為惡性：「即刻安排做手術，之後都冇再翻發，做媽媽要照顧好自己。」提到前日跟好友吳綺莉開大食會，她表示無所不談：「講到尾做媽媽要做好榜樣，要照顧好自己，我同佢講要去到一個忘我境界，唔好諗嘢，多啲做運動做到攰。」至於森美透露在節目《森美旅行團》中，成功搶黃心穎及高海寧鏡：「浸溫泉時畀人搶走毛巾，為咗搶鏡頭會不擇手段！」