小一就被同學索吻 蔡少芬教囡囡起飛腳Say No！
蔡少芬出席台慶劇宣傳時大爆剛讀小一的大女張楚兒，被「人細鬼大」的同學仔示愛兼索吻，令她與老公張晉要車輪戰教女兒要保護自己，踢開對方Say No！她更得戚笑謂：「個女似我咁靚，係危險啲！」
無綫台慶劇《老表，畢業喇！》演員蔡少芬、林欣彤、蔣志光、韋綺姍、林盛斌、張文慈、泰臣、陳明恩等昨日到迪士尼樂園宣傳，郭晉安因病缺席。生日的泰臣在活動上獲張文慈送上香吻，認真好艷福。
首次出席劇集宣傳的蔡少芬，大爆6歲大女張楚兒剛升小一已招惹「狂蜂浪蝶」：「大女話有同學仔話好鍾意佢，成日攬住佢，仲話要錫佢個嘴、同佢結婚。呢一代啲小朋友咁快嘅，自己都係三年班先識。我同個女講如果有男仔話要錫你，要拒絕踢開佢，除咗爸爸、媽媽、妹妹，其他人都唔可以錫，個女話佢淨係錫頸同膊頭，我話都唔可以，要教識佢保護自己！冇辦法啦，個女似我咁靚係危險啲！」
舊患纏身聲沙沙
問到身為爸爸的張晉是否更擔心？蔡少芬笑說：「佢仲緊張，佢成日好認真同個女傾視像電話教佢要拒絕、要Say No，不過我諗都係小朋友玩啫。」講到被網民指劇中聲沙沙，蔡少芬指是當年拍《珠光寶氣》嗌破喉嚨，接受手術割去喉嚨血泡，因不夠休息留下後遺症，現時不夠瞓就會聲沙。
泰臣上演親熱戲
昨日生日的泰臣笑謂開心獲兩位女神「開光」，首先是蔡少芬為他設計活動Tee，後來又獲張文慈獻吻，他笑說：「劇中飾演情侶都冇咁親熱，最激反而係活動上咀嘴呢幕。」
文：影視組