崔建邦處男下海：臨老先嚟拍劇！
崔建邦首度正式拍攝無綫劇集，自嘲「臨老先嚟拍劇」挑戰演技，幸獲馬德鐘讚駕輕就熟，不需要擔心。
藝人馬德鐘及崔建邦（Amigo）在新劇《跳躍生命線》飾演救護員，日前聯同韋家雄到土瓜灣公眾碼頭拍攝一場於八號風球下拯救觀浪人士的戲份。Amigo只曾於劇集《女人俱樂部》中客串，首次正式拍劇便與馬德鐘合作，他自嘲說：「我臨老先嚟拍劇！之前冇乜點做過戲，最大挑戰係自己演技。」他指被提點不要用主持的腔口去拍劇，這樣會自然一些。
馬德鐘呻冇得騷肌
炎炎夏日要穿上制服拍攝，Amigo直言不辛苦，還透露角色只着過一次便服，其餘時間都是着制服。問到女友李怡（野人）會否來探班？他笑言不歡迎他人來探班，因為會影響士氣：「得我有朋友嚟探班，其他人冇朋友嚟，人哋會孤獨空虛！」
馬德鐘則表示與Amigo非常合拍：「唔使教佢！佢駕輕就熟又有經驗，做主持方面咁出色，拍劇都唔需要擔心。」他透露劇中會有爬山拯救的戲份，但因要着整套制服救人，故不會騷肌。問到有否向無綫推薦兒子馬在驤客串，一嘗拍劇滋味？他說：「唔會刻意做呢樣嘢，佢自己再諗諗啦！」
文：影視組