蕊蕊投資6位數做生招牌

藝人林盛斌、范振鋒（Ricky）與妻子李思欣、陳蕊蕊及鄧詠雪（雪子）等昨日出席日本餐廳開幕禮。蕊蕊透露將與友人合資搞Party Room及餐廳酒吧生意，共投資六位數字：「想試吓同朋友玩吓，我會多啲落場做生招牌。」雪子早前贏得香港潛水比賽，下月將代表香港到馬來西亞參加國際賽事。
Ricky（右）大讚老婆思欣做司儀有進步。
Ricky（右）大讚老婆思欣做司儀有進步。

Ricky透露自己曾搞飲食生意，但因太忙常出埠，未能親力親為而覺得難做：「唔熟呢行，好多價都唔知，會畀人呃，例如個朋友話會有幾多營業額，原來冇嘅。依家搞娛樂製作生意，起碼熟行啲。」Ricky及思欣又透露經常夫妻檔擔任婚宴司儀，思欣表示初時二人無默契，被對方嫌棄，Ricky即讚太太愈做愈好。

蕊蕊（右）與雪子出席日本餐廳開幕禮。
  • 蕊蕊（右）與雪子出席日本餐廳開幕禮。