藝人吳鎮宇、余香凝與胡子彤等昨日到沙田城門河拍攝新片，提到日前與兒子Feynman慶祝9歲生日，鎮宇說：「網上張相唔係我放。（介意太太出鏡？）都放咗出嚟，冇得介意！（網友話Feynman好大隻？）佢係骨架大，大過我！依家唔使擔心佢畀人推跌，只需叫佢唔好推人就得！（留意佢磅數？）冇！有睇住佢飲食，佢喺屋企食菜，冇乜食快餐，出到街見到有肉就好開心！」余香凝則自爆戲中會與吳鎮宇、黃德斌及潘燦良三位前輩其中一位「有啲嘢」。
