林一峰向Danny致敬浪漫到眼濕濕

歌手林一峰前晚在九展舉行《我和你的床頭歌演唱會》，獲妹妹林二汶、許廷鏗、糖妹、林奕匡、阮兆祥及媽咪等到場支持。演唱會主要獻唱已故巨星陳百強（Danny）的金曲，例如《眼淚為你流》、《喝采》、《一生何求》等，唱到《深愛着你》時，一峰更一度仰望天上，表現感觸地向Danny致敬。

學而嘲「八婆聚會」

其後一峰請嘉賓趙學而出場，一峰表示兩人已相識十年：「同學而有很深嘅緣分，每次見到都會講心事。」學而就笑言簡直是「八婆聚會」，一峰續說：「10年前做一套有關陳百強嘅音樂劇，膽粗粗邀請學而，點知得咗。」學而則讚一峰是音樂小巨人，而且很「夠薑」，笑說：「諗到想做咩就搵朋友幫佢實現到為止，強大毅力值得我哋呢啲前輩學習。」Encore時嘉賓Supper Moment出場合唱《摘星》，一峰讚樂隊是樂壇的新力量及新希望，主音Sunny即笑說：「嘩，頂帽高過你嗰頂。」

學而讚一峰「夠薑」，是音樂小巨人。	陳百強	一峰與Supper Moment主音Sunny合唱《摘星》。

有意搞巡迴騷

騷後一峰坦言今次很難揀歌：「主要係想帶出浪漫嘅嘢，香港近年缺少浪漫氣氛。（滿意表現？）可以做好啲，真係有啲緊張，因為係向前輩致敬，不容有失。」提到唱《深愛着你》時表現感觸，他說：「嗰首歌前奏一起就好多人都會眼濕濕，我嗰時都係諗住Danny。」他坦言Danny是媽咪唯一的偶像，希望媽咪會喜歡演出，亦指慶功時會順道與爸爸慶生，並透露有意巡迴演唱。

文：音樂組

攝：唐豁莊