森美派糖呃鬼爛Gag冧客

藝人森美昨日到迪士尼樂園與萬聖節活動的演藝人員交流心得，望他們表現更加生鬼，期間更開了網上直播。非常識做的他先玩Trick or Treat派糖給演藝人員，而演藝人員即回敬電影《怪誕城之夜》角色阿Jack的貼紙，森美貼在身上後笑說：「幾靚呀，不過貼咗就冇得儲。」成功哄得對方送多一張。

森美又對於地上用石頭砌出來的阿Jack甚感興趣，演藝人員教他如何放石頭，森美卻笑言太簡單：「唔使教喎，搞到我智慧好似好低咁！」學習用「神奇水」上色時，拿着水樽的他繼續放笑彈：「會唔會噴出火(0架)？我有啲驚添！」森美指演藝人員多才多藝，令本來灰灰沉沉的石頭亦添上歡欣，大讚他們收起很多絕技吸引遊客。

提到樂園度假區親善大使同樣名叫Sammy，森美大搞爛Gag：「一個Sammy有兩種享受！」到直播快將完結時，森美仍然不放過最後機會搞笑，衝向鏡頭說：「好多鏡頭！我有冇望啱？」

文：音樂組