何志堅澄清與朱慧敏屬普通朋友

賭王何鴻燊二房千金何超鳳的前夫何志堅前晚出席活動,首度開腔回應離婚後的生活,他形容現在「獨立啲,多啲自由」。他指仍有聯絡前妻及一同食飯:「佢啲朋友係我啲朋友。(再見亦是朋友?)為咗細路要有個關係。(因第三者離婚?)唔講太太啲嘢。(有另一半?)冇特別,都係食吓飯咁。」他指大女何鍶珩會跟他傾感情事,亦不介意女兒與外國人拍拖。

另外,他澄清與藝人朱慧敏的緋聞:「食過飯冇咩特別,普通朋友。(有冇受影響?)小心啲囉,請人返屋企食飯就話有飯局、有不良企圖,係人都驚同我食飯啦。我好鍾意請朋友食飯。(通常一大班?)係,係你哋淨係出佢一個咁解。(有冇同朱慧敏聯絡?)少咗,冇咩事都唔同娛樂圈嘅人,怕咗。」