早前因痛症取消演唱會養病的百變天后Lady GaGa，收到天后好友Beyonce送贈的衞衣，GaGa上載她穿上Beyonce以女兒Blue Ivy命名品牌衞衣的照片，多謝對方為她打氣並留言：「今日我痛症病情唔多好。多謝Honey B（Beyonce）送我呢件咁舒服嘅衞衣。等我喺出面瞓喺吊床時可以保暖，接近樹木、天空同太陽，同埋深呼吸。我覺得自己好幸運，可以得到咁多愛。」她又上載Beyonce所送鮮花的照片，表示當年被唱片公司解約時，如果不是在電視聽到Beyonce唱歌，她早就放棄音樂，多謝對方的啟發。