李佳芯收戒指會喊驚

藝人李佳芯昨日出席活動,在台上畫畫時微露線頭,喜歡畫畫的她透露細個曾有追求者送贈卡通版肖像畫,自己未試過畫畫送給男友陳炳銓。

提到與男友發展,李佳芯說:「交往中,了解中,需要時間。(成日被人影到?)都係,基本上20小時都開工,想有4小時做正常人做嘅嘢,睇戲食飯。」問到男友幾時送戒指?她說:「冇,送咗好驚,送咗就係有嘢要宣布,十劃都未有一撇。」提到最近常出活動,她笑言拍完劇有時間,而且多曝光都有加少少價,更自嘲又平又抵用,物超所值。