方力申唔復合2018有婚數
方力申與鄧麗欣雖已分手一年多，但最近網上有惡搞消息指二人復合兼明年結婚。方力申否認復合，但搞笑地指自己都要努力儲錢，更不排除明年結婚。
藝人方力申、葉芷如、周嘉莉及孫耀威等前晚出席冼國林執導新片《我們的6E班》活動，早前有網上惡搞消息流傳方力申儲錢準備2018年迎娶前度鄧麗欣，方力申直言自己都有留意，並說：「內容我睇過吓，係事實嘅唔夠百分之十，不過可能依家大家多數只睇標題，唔睇內容，所以好多人恭喜我。」
游得快又靚仔被「歧視」
但對於有不少網友一眼便看出消息是「流料」，方力申搞笑地不想畀人「睇死」：「可能我真係2018年結到婚呢！咁錢都要儲嘅，但復合就冇！」談到新片內容提及校園暴力，問方力申有否遇過？他笑說：「歧視唔多唔少都有啲，譬如我靚仔過人哋，游水快過人哋，都會被歧視！」
葉芷如恨做校花
葉芷如今次飾演班主任，自言個樣唔似老師：「想做校花多啲，但太多競爭，加上冼國林師傅話我駕馭到個角色，我都不斷自我洗腦，話畀自己聽我係Miss。」而周嘉莉自爆曾被投資者質疑演訓導主任是否適合，幸當時獲冼國林力撐說：「我話佢得就得！」她續說：「我都喺化妝同言行上落咗心機。其實我鍾意咗孫耀威十幾年，以為合作有親熱戲，點知冇！」
文：影視組