「打底王」蔡卓妍唔驚怪風吹
歌手蔡卓妍（Sa）昨晚着上紅裙出席化妝品牌活動，現場突然有陣怪風，幸好只吹起其外層的紗裙。阿Sa表示私下甚少着裙，除非心情超好，問到與麻雀館太子爺石恆聰拍拖後有否多着裙？她說：「我平時比較粗魯着褲多。（男友面前都粗魯？）都係做番自己。」她又自言是打底王：「就算走光都係走條打底褲，自己好小心，我又唔會着到袒胸露臂。（遇過變態佬影裙底？）就算有都唔會影到走光，我係打底王。」
而好友鄭希怡（Yumiko）與女兒梁浸浸近日在內地拍親子騷，被網民指她給女兒玩太多手機，阿Sa即為好友辯解：「依家小朋友唔畀佢哋玩會好失控，平時出街啲朋友成日話唔畀佢哋玩，最後都要畀，冇佢哋符。依家（未生）會諗到好完美，唔畀佢哋玩電腦、手機，但呢啲要做咗家長先知。」問到幾時做家長？她面紅紅說：「突然問呢啲，呢啲係上天嘅禮物，唔係想要就有。（未婚先生？）最好Step By Step。（同男友傾過？）唔好畀壓力我，我爸媽都冇問呢啲。」