20歲真人騷女星Kylie Jenner，日前被歌手男友Travis Scott爆懷有4個月身孕，未公開回應的她，日前推出與家姐Kendall合作的時裝系列新造型照。身材Big爆的Kylie穿低胸黑色吊帶裙露大半球，長裙高衩設計晒美腿。
有喜消息曝光後，網民懷疑Kylie正是同母異父家姐Kim Kardashian的代母。Kim早前因患妊娠毒血症搵代母佗第3胎，Kim為了保護BB，一直沒公開代母身份及行蹤，現剛巧Kylie懷孕，即「陰謀論」四起，網民留言：「如果Kylie有喜傳聞最終變成佢係Kim同Kanye第3胎嘅代母呢？」另外，Kylie母親Kris Jenner前日在米蘭時裝周受訪時說：「如果每日都冇嘢發生，就唔係一家人啦。」答案模棱兩可。