裕美開閘誘仔埋身

藝人裕美和吳日言（Yan）昨早參與跑步賽，齊齊完成1.5K！裕美稱原先想跑3K，但公司卻幫她報了1.5K。早前被拍到與四眼男撐枱腳的裕美笑說：「嗰次見完之後都未再見過。（嚇驚咗？）唔係，佢係台灣人。（唔接受異地戀？）我係忍受唔到唔見，我同呢個朋友都少見，所以嗰晚先傾咗咁耐。（可有發展機會？）暫時係朋友啦，咁戀人都經過朋友階段先開始。」已單身年多的裕美稱之前要自己一年不要再接近異性，現已過期限，問是否宣布「開閘」？裕美笑說：「係呀，大門已經開咗，搞到好似賣廣告咁，Open嘅又唔會落閘嘅！」