黎諾懿爆囝囝似樹熊

與湯洛雯在劇集《燦爛的外母》中合演夫妻的藝人黎諾懿，昨日在荃灣出席中秋活動，他受訪時坦言不想在工作中度過中秋節，因為想陪囝囝「小春雞」過人生首個中秋節，又指就算開工都會心繫囝囝，好掛住對方：「見親我都講『唉唷』，仲識笑，好令人融化！同埋佢依家識好似樹熊咁伏喺你度嗲你。」問囝囝嗲他還是嗲媽咪多？他即指囝囝較喜歡嗲他，搞到老婆好呷醋：「所以囝囝識講『媽媽』先都冇所謂，因為老婆真係好辛苦，雖然現實成日都事與願違，哈哈！」他又表示想在豬年生多個女，湊個「好」字：「但都係個天畀嘅，到時係仔都冇所謂，祝福我啦！」