雨僑跑步磨練意志

本來與運動扯不上關係的藝人雨僑，2年前因接拍真人騷，需於4個月內鍛煉到能應付「半馬」賽事，結果她的起心肝，由零開始訓練：「開頭真係好差，跑3分鐘已經頂唔順小腹痛，諗住抖陣再跑，又可以跑多6分鐘，原來好多時以為自己唔掂，最後分分鐘有驚喜。」此後，她一周數次反覆練跑800米及2公里，未幾即參與10公里賽試水溫：「好在順利完成，有啲人跑步求完成、有人求速度，我係前者！幾滿足，但之後練半馬好艱辛，最多跑到13公里，比賽嗰日用咗接近3小時完成21公里，叫有個交代。」賽事令雨僑愛上跑步，至今仍堅持練習：「有時跑到元神出竅，周圍嘅嘢變得好慢，我係為呢個感覺而跑。」