陳展鵬唔嫌悶誓要黐實胡定欣
劇集《同盟》前晚舉行祝捷晚宴，陳展鵬希望與胡定欣再添食合作，想如鄭少秋與汪明荃般成為經典拍檔。展鵬又讚緋聞女友單文柔回應同居答得夠聰明。
陳展鵬、胡定欣、陳山聰、姚子羚、郭鋒及歐瑞偉等無綫劇集《同盟》演員，前晚在將軍澳電視城舉行「祝捷晚宴」，筵開十席，台前幕後慶祝大結局7日跨平台總收視錄得31.8點，約有207萬觀眾捧場。展鵬對收視感到非常滿意，希望劇集再添食，直言與胡定欣再合作也不會嫌悶：「唔悶，好對手好難遇到，好似鄭少秋、汪明荃合作幾十年，又演唱會又拍劇，係一個觀眾嘅肯定。」
女友見過家長
而他回應被指與單文柔同居時則笑說：「佢答得好好，我哋係同區唔係同居。（你教佢咁答？）唔係，我邊有咁聰明。（佢話未拖手仔喎？）其實好多嘢之前答過晒，大家睇番之前答案。（佢話見過你媽咪。）見過，佢見過我好多朋友添。（融入家中？）唔係，菲傭就話融入家中。」
胡定欣希望劇集若添食能與鮑起靜有更多對手戲，問到對今年的「視后」獎項信心如何？她笑說：「今年有鮑姐唔敢諗，有得同鮑姐一齊提名都開心。」談到胡杏兒爆料指有姊妹將有好消息公布，她笑說：「除咗我之外，個個都有可能，連豹嫂（胡蓓蔚）都有可能，哈哈！」
姚子羚Plan明年嫁
至於「可疑人物」姚子羚受訪即否認有結婚計劃：「杏兒唔係咁嘅意思，同埋我要澄清，真係唔係我，雖然朝着呢個目標進發，但係今年真係冇時間，下年可以諗吓。呢啲唔逼得，嚇死佢（指男友鄭子邦），畀少少空間我哋，順其自然，長輩都冇畀壓力。」
文：影視組