藝人王宗堯日前客串ViuTV新劇《未來還未來》，劇中與羅伊婷拍廣告的他，見女方不慎被踩甩裙，即發揮「男神」本色護花。他坦言今次演出是支持好友繆浩昌：「我做番王宗堯，但今次冇收廣告費同客戶贈品，有啲唔開心囉。」他主演的《賤民20》快將播畢，他表示因劇接劇，故未想過慶功。羅伊婷則指被王宗堯電暈：「其實呢集大家都做番自己，佢做番男神，我做番小Fans，所以踩甩裙都抵晒！」
