楊峰身家近億斥百萬闖樂壇
歌手楊峰年過40歲才踏入娛樂圈，有人笑他發明星夢，但他毫不介意，因為成為歌手是他從小的夢想。他坦言喜歡唱歌，但奈何小時候家境貧窮，所以不敢嘗試發展夢想，惟有努力工作改善生活環境。他說：「細個已經想入行，但覺得要屋企有錢先做得，所以惟有參加吓歌唱比賽，滿足吓自己。」
憑着努力加上投資有道，楊峰的經濟環境得以改善，身家更有傳直逼9位數：「身家又冇9位數啩，哈哈！差唔多啦！不過為咗做歌、拍MV等，我已經投資咗7位數字，可以實現自己夢想幾多錢都值得。」問到人到中年才入行，家人有否反對？他笑言：「都會o架，我啲仔女初初會笑我，話阿爸你唔好搞咁多嘢啦，但近排佢哋話我唱歌進步咗。而我媽咪就好支持我，每次見到我上報紙都好開心，仲會剪低佢。」楊峰表示下一步計劃開設娛樂公司培訓新人，又會開拍電影，大計多多。