龐景峰唐貝詩打出姊弟情

藝人唐貝詩（Lydia）日前邀得好友龐景峰（Andrew）教她打功夫，鋪路做武打女星。Andrew因兒時喜歡看動畫《龍珠》及受叔叔錢嘉樂薰陶而開始學拳，直言作為演員有機會學習是好幸福的事，而作為影壇新人更必須裝備自己：「特別係新人唔夠經驗，學多啲先追到前輩步伐。」

由細恰到大

他大讚Lydia是位有決心的演員，技術方面亦有速感，但仍有進步空間。而第一次接觸跆拳道的Lydia，其實亦學過空手道，認為學習中最困難的是彈跳力：「以前老師教咩都要好穩，反而跆拳個重心唔同，腳要好輕，如果唔係就做唔到好快嘅動作。」

Andrew積極裝備自己勇闖影壇。

Andrew為Lydia拉筋，對於姊弟戀，二人異口同聲表示順其自然。

其實兩人早在英國讀書時已認識，Andrew更不時以「大姐姐」稱呼Lydia：「我由細畀佢恰大，以前寄宿學校要求每個星期六、日都要出去，我哋成班人就會去Lydia屋企瞓廚房。」Lydia笑言：「我就好似慈善團體咁收留一班野貓。」問到二人有否機會成為情侶，她說：「我已經Friend Zone咗佢，做咗朋友就返唔到轉頭。」

拍住闖影壇

對於姊弟戀，二人異口同聲表示順其自然，現時只想專注工作。Lydia透露有刑警電影找兩人參演，而Andrew最近亦剛拍畢警匪電影任奸角，稍後會客串兩套新戲。Andrew表示最怕潛水戲份，望能盡快考到潛水牌。

文：名人組

場地：Sci-Fit