孫耀威打爆手指骨

孫耀威與葉芷如在冼國林執導的作品《我們的6E班》中飾演老師，負責照顧不同背景的問題學生，孫耀威直言面對一眾小演員時，令他回想以前讀書時光。會考奪5A的他是娛樂圈中的優異生，不過他自爆是問題學生：「試過喺學校打爆玻璃，老師揀班長一定唔會揀我！」他又笑指電影由冼國林執導，豈會沒有動作戲，鮮有拍打戲的他被安排要連打五、六招，更不小心被椅子打到爆手指骨！他說：「拍完去睇醫生，醫生話要時間休息，都冇諗過會受傷。」

做女一勁緊張

葉芷如指孫耀威敬業，埋位時會忍痛除下固定器才拍攝。而她入行時是一名剛畢業的學生，直言今次做老師角色感覺特別，問到以前是否乖學生？她說：「係扮乖嗰啲，喺老師面前好似好乖咁，唔敢唔交功課嗰隻。」首次拍戲就擔任女一的她直言緊張，幸得孫耀威親自指點，她說：「有時做得唔好，佢會做一次畀我睇，落手落腳教我點做。」孫耀威亦大讚葉芷如聰明，進步得很快。

孫耀威鮮有「出招」，難怪會搞到打爆手指骨！	孫耀威與葉芷如在戲中飾演老師，勾起自己的青葱歲月。	葉芷如做女主角，係會緊張啲！

文：影視組

孫耀威服裝：tuxee.co

孫耀威髮型：Sunny Yu@Hair Culture

孫耀威化妝：江中平化妝室

場地：美麗華酒店