李曼筠聽相士話守Dry十年

曾主持飲食節目的李曼筠自認為食，平日亦有下廚習慣，最拿手煮紅燒肉，問到有否為男友下廚？她說：「細個拍拖有，依家冇男友，好多人催我拍拖，搞到我喺度諗唔拍拖係咪有問題呢？都唔係呀，我幾開心！」提到她曾於訪問中，自爆十年冇拍拖，令人難以置信，Maggie解釋：「之前去過一個玄學節目，有師傅同我講26歲後真姻緣先會出現，既然係咁，26歲之前就唔好浪費時間拍拖，專心做嘢，所以一路冇拍拖。」

貓咪做伴

雖然Maggie如今已年過26，但早已習慣了一個人生活，覺得有愛貓相伴便可，更自言個性遲鈍，很難察覺有男生主動追求，她說：「佢哋又冇特登話追緊我，有朋友知我咁遲鈍，專登WhatsApp話追我，玩我囉。」至於有何擇偶條件？Maggie要求對方跟自己一樣為食，而且要陪她參與戶外活動，例如行山、行沙灘等，她說：「好多人覺得悶，但我想另一半陪我。」

自言是「食家」的Maggie，擇偶條件另一半首要為食。

雖然26歲之齡已過，但Maggie仍未「發力」搵伴！

廁所遇女鬼慘叫

工作方面，Maggie有份拍攝一套靈異喜劇，角色是個喊包，她自爆拍攝途中遇怪事：「我哋喺學校拍，係亞洲十大猛鬼地方之一，自己覺得唔恐怖，不過有鏡頭喺廁所拍，我聽到有女人淒厲慘叫，我冇同人講，後來導演講起，話嗰日我後面有個女人，但我見唔到。」令人毛骨悚然！

文：專案組

攝：劉斌

場地：奈良上釜Kamameshi

鳴謝：Barry@J&B Ent