秋官搵側田教唱Free style

鄭少秋（秋官）忙於為本月30日假澳門舉行的巡迴演唱會排練，屆時他將會一口氣連唱多首經典作品，例如《書劍恩仇錄》、《輪流轉》、《笑看風雲》等等。秋官又預告將為觀眾帶來驚喜，邀請了側田擔任嘉賓，秋官說：「好多人都奇怪，點解我會搵側田做嘉賓，因為我哋係屬於兩個唔同年代嘅歌手。其實我好欣賞側田係創作歌手，歌藝又好，佢唱歌嘅方式都好啱我。」秋官直言今次側田會為他特別設計Freestyle唱法，重新演繹金曲，相信必定為歌迷帶來一番新感覺！