苟芸慧加拿大行禮回港補擺婚宴

屢傳婚訊的苟芸慧，否認與男友築愛巢同居。

藝人苟芸慧（苟姑娘）與著名形象指導郭慶彬，於米蘭時間21日現身當地舉行的Max Mara 2018春夏時裝騷。首度參與時裝周的苟姑娘心情興奮，自言前一晚緊張到失眠。她於騷後到後台會見品牌創意總監Ian Griffiths，更趁機與索模Bella Hadid玩自拍。

不急買樓同居

她又透露男友陸漢洋已轉到比利時賽車，賽後會再到米蘭會合。問到與男友在米蘭會否覺得特別浪漫？她甜蜜地說：「同佢一齊喺邊度都浪漫，不過呢邊環境好靚，空氣又好，覺得係一種幸福。」有傳陸漢洋會在當地求婚兼影婚照，她反問：「點解你哋知？我今次係嚟工作，個行程已經Full晒，得番一日同佢二人世界。（男友想畀驚喜你？）唔知呀！太多人咁問，反而冇乜驚喜。（喺外國搞婚禮？）因為我屋企人喺加拿大，所以計劃會喺外地搞，但之後都會喺香港同朋友搞個聚會。」她又否認睇樓盤是築愛巢及同居，想買樓等家人回港有地方住，而且二人不急買樓同居。

Kary指老公叮囑她不要去人多的地區。	李宇春盛裝打扮睇騷。	Kary化身粉絲向美國饒舌歌手A$AP Rocky（右）集郵。

Kary擔心恐襲

此外，吳雨霏（Kary）亦在當地出席另一時裝騷，此行老公未有同行，更直言擔心有恐襲：「佢叫我小心啲，唔好去人多嘅地方，去到邊都要同佢報到，而且我又好大頭蝦，佢又怕我會畀人偷嘢，因為我經常將啲手袋亂放。」同場還有內地女星李宇春等。