李佳芯鬼月玩「命」猛收1蚊利是
藝人李佳芯昨日出席活動時，透露客串《跳躍生命線》戲份又撞車又要死，連番收「1蚊利是」，撞正鬼月時節，她不禁大呼大吉利是。
昨日李佳芯（Ali）以《多啦A夢》靜香造型出席「中國移動香港 x Samsung Galaxy Note8」宣傳活動，拿着手機與在場人士玩自拍，又擺出可愛甫士，可謂仙氣逼人！
Ali指時下好多人用WhatsApp和Facetime傾電話，她回憶讀書時幾乎「煲到電話爛」，一班女仔用「多人會議」，她笑言其實冇內容，主要是成班女仔不想瞓覺。談及最近拍畢劇集《跨世代》後，現正忙於拍攝《跳躍生命線》，劇中飾演馬德鐘前妻的她說：「套劇一嚟就講我死咗，但我就會倒敍咁出現。淨係拍呢套劇我都已經收咗幾封1蚊利是，好大吉利是！因為全部戲份都係呢個月（鬼月）拍，又撞車又好多血。」
Never精神長存
早前她有份主演的《踩過界》大結局，對於角色Never死後突然翻生，她表示好開心有人關心所演角色的生死：「有人話係留伏線，條線留吓都好嘅。我覺得其實係Never嘅精神喺度，但喺度嘅意思有好多種，唔一定要活生生。留咗個精神，就算之後有冇續集都係好事。」
文：名人組