胡杏兒爆姊妹婚期近
藝人張智霖（Chilam）、胡杏兒及陳瀅前晚到尖沙咀出席活動，Chilam指杏兒的樣子與太太袁詠儀（靚靚）當年快將生仔時很似：「以前杏兒好有侵略性，個樣好Sharp，依家就好溫柔。」談到「胡說八道會」幾位姊妹傳出婚訊，杏兒大爆：「快o架啦！」連Chilam都不禁追問是誰，杏兒即尷尬說：「總之快啦！」
提到靚靚早前讚兒子魔童是梁朝偉及周星馳的混合體，Chilam昨日出席活動時笑說：「媽咪睇個仔永遠都咁高分數。（魔童好有幽默感？）都係o架，我講嘢佢識笑到碌地，係家人相處嘅潤滑劑。」