李嘉欣下廚出「撒手鐧」囝囝最興奮

「大美人」李嘉欣昨日出席餐廳開幕活動，提到閒時愛與兒子許建彤（Jayden）一同下廚，她說：「煎牛扒同整蛋糕小朋友都有份參與，最拿手整日式餃子，每次Jayden見到我整就知係特別日子，因為老公（許晉亨）鍾意食，特別日子先會出撒手鐧，依家都研製緊新菜式。（囝囝有冇讚你？）唔知點解佢見到媽咪煮嘢畀爸爸食就好開心，表現好興奮同好似好大件事，仲靜靜雞話畀Daddy知有嘢食，我覺得佢好天真，好純。」並透露Jayden曾為她炮製玫瑰花甜品，還跪地遞上甜品，令嘉欣冧爆。