湯洛雯性感跑街遇狂迷抄牌
藝員湯洛雯（靚湯）及黎諾懿昨日以劇集情侶檔在旺角出席品牌活動，靚湯以小晒線頭的運動造型健康性感亮相，她笑言近日被胞妹搶「峰頭」，自己亦要急起直追。問到平日跑步是否性感示人？靚湯笑言：「身材Fit都OK嘅！自己着得舒服又有自信，跑步會開心啲！（去開邊度跑？）紅磡一帶，邊跑邊有海風好舒服。」
靚湯自爆跑步曾遇狂迷尾隨，身旁的諾懿笑說：「佢可能想搵你領跑！」該名男子向靚湯「抄牌」，她因不懂拒絕而給了對方電郵：「如果似彭于晏我一定畀！（鍾意大隻仔？）係呀，又唔使好爆肌，高挑、身材好就正。（緋聞對象羅天宇夠大隻？）佢身材OK呀，係膊頭橫啲！」問到會否想與羅天宇情侶檔出騷？靚湯尷尬地說：「依家咪情侶檔囉（指諾懿）！」名草有主的諾懿即取笑靚湯當他「水泡」。