岑麗香馮盈盈沙灘鬥波！

藝人黃浩然、岑麗香、馮盈盈與楊明昨日在深井為無綫新劇《果欄中的江湖大嫂》拍攝打沙灘排球的戲份。香香與馮盈盈以沙灘裝示人，齊齊騷「事業線」及長腿！問到兩人過往去沙灘可有被跟蹤及偷窺等不快遭遇？香香笑說：「去沙灘都會同朋友，咁樣會安全啲。如果遇到啲怪人，最好嘅方法就係用奇怪嘅眼光望番佢。」馮盈盈自爆試過帶備棒球棍：「對付監視最好嘅方法就係反監視，（目及）番佢轉頭，唔好蝕底！不過我都未試過！我試過帶棒球棍去沙灘玩扑西瓜，啲人見到支棍都唔敢行埋嚟！」