荷里活影星佐治古尼（George Clooney）的太太Amal三個月前才生完龍鳳胎Ella與Alexander，最近又傳她再懷孕，還可能再「打孖生」，實行「兩年抱四」！
據雜誌透露現年56歲的佐治與39歲的Amal被朋友爆再度有喜，好友透露：「Amal嘅懷孕徵狀同佢之前最初佗B時一樣，佢狂食嘢之餘，亦比起平時情緒化好多。佢食好多意粉、意大利飯同Pizza，食量等同三人分量！」朋友認為Amal目前只屬懷孕初期，但就算是懷孕數周，她都未必會「見肚」。知情者說：「喺佢第一次佗B嘅時候，頭幾個月Amal都冇見肚，亦好活躍同一直工作至生前幾星期。」醫生更指年紀較大的產婦較易生孖胎，所以Amal今次佗孖胎也不為奇！