泰國賣座片《出貓特攻隊》在港大受歡迎，累積票房已衝破2千萬！飾演「明詩」的依莎亞賀素雲（Oomeisaya，簡稱Oom）今晚來港，並於明日下午出席「星展銀行Live More SnapTag」發布會。來港前Oom接受本報越洋獨家訪問，除自爆出過貓，據知有「泰國朱千雪」之稱的她屆時將與活動嘉賓朱千雪以紅裙孖妹Look「相認」!
21歲的Oom在訪問中表示對《出》片在港台大受歡迎，感到好開心，完全超出預期！她自爆求學時如片中角色一樣試過「出貓」：「但僅限喺我唔擅長嘅科目，例如數學。我試過將答案寫喺擦膠，如果我同好朋友坐得好近嘅話，就會偷睇佢嘅答案。」
上月《出》片三位主角都有來港，唯獨Oom未有隨隊，她解釋因工作撞期而缺席，藉今次訪問跟香港粉絲說聲對不起，並希望來港出席活動時粉絲能到場支持她！她自爆今次是第一次來港：「香港畀我嘅印象係一個非常Wow嘅城市。我喺泰國試過唔同來自香港嘅美食，好鍾意！我希望今次嚟港可以享受地道美食。」會否到處觀光？她說：「我有好多嘢想做，但我必須喺呢幾日嘅行程善用時間，所以想去可以一邊欣賞香港美景一邊享用大餐，亦可以觀察香港人日常生活嘅地方。」
模特兒出身的Oom樣子甜美，被封泰版朱千雪（Tracy），對這稱號Oom亦有聽聞，她知道Tracy是香港小姐，並不斷進修，令她心生敬佩：「我都希望好似佢咁不斷豐富人生內涵，當日我一定會請教佢時間分配、將工作同學業化繁為簡以及如何Live Well嘅心得。」
文：外娛組