羅敏莊似泰國人妖？

藝人羅敏莊前晚參與文藝晚會演出，一身閃金晚裝現身，因近年專注研究泰國地產，大家都笑她造型極具「泰國Feel」，她笑說：「咁咪好囉，泰國人妖騷，咁我又可以去泰國做嘢啦，講笑啫！」講到經常港泰兩邊飛，她說：「都舒服，依家希望每個月飛去一次，想睇多啲不同地方，當有人問到有乜意見都可以介紹吓。」她稱沒想過要入籍，只是想找一個生活指數低過香港的地方，又可以當度假。問到可打算開個唱？她說：「上次係自資開過一次，所以好明白開騷嘅難處，等有人畀錢我開先算啦，但都好難啦，見好多人香港做生意都唔係好得。（所以你向泰國發展？）係呀，華人人妖歌舞團嘛，都幾好吖。」