李彩華借歌聲感動人心
藝人李彩華（Rain）將於10月27日在旺角麥花臣場館舉行只此一場處女騷《十月的雨2017演唱會》，今次可謂相當有意義，皆因她完全不收分文，歌酬全數捐贈予《愛基金》幫助山區留守兒童，她說：「之前喺無綫節目唱番《你唔愛我啦》，大家都話好懷念、好感動，好想重溫我嘅歌，好多謝你哋支持！今次除咗有我嘅歌，仲會唱其他前輩嘅經典歌，到時大家要跟住唱啊！」
談到今次出錢出力開騷，Rain坦言入行十多年經歷過高低潮，家中曾經欠債，事業亦不如意，當時感覺很灰暗：「因為基督教信仰令我有番光明前途，所以當晚我會唱一啲感動人心嘅歌曲，希望人生路途上唔多如意嘅人聽完可以重新振作。」為與歌迷更多互動，Rain決定當日抽出10位現場觀眾，可以獲得其處女寫真集《Lovely Rain》，而門票明日在Cityline購票通網上公開發售。
