杜如風 16歲碌卡6位數！
藝人方力申（小方）及杜如風昨日出席「Citi Cash Back Visa 信用卡發布會」，小方表示會畀信用卡媽媽碌：「佢都係幫屋企買o野，同埋佢都錫住我，雖然我一大使就會加我家用，但都係幫我儲住先啫。（會畀張卡女朋友碌？）好希望我有咁o既能力、胸襟、信任畀女朋友碌，我會朝住咁o既目標，但未必會係女朋友，可能係老婆，如果連女朋友都可以碌，阿媽會呷醋。」
杜如風坦言16歲開始已經碌爆卡，最勁試過碌爆6位數字。講到她到日本拍旅遊節目時穿睡衣浸溫泉被網友指不尊重當地文化，她指其節目就是玩及娛樂大家，不用太嚴肅！明年農曆新年杜如風將再帶團到日本，團費更高達6位數字，令她很大壓力：「個團咁多錢，唔知可以畀咩表演大家睇。」