任達華情挑惠英紅
影后惠英紅與影帝任達華孭飛的英皇電影《Mrs K》前晚舉行首映，獲老闆楊受成、容祖兒、蔡卓妍及曾國祥等捧場。曾揚言該片是她最後一部動作片的惠英紅，至今也沒有改變主意，全因擔心愈拍愈差，故寧願見好就收，認為於狀態最好之時留下佳作，亦是完美句號。問到可滿意片中表現？惠英紅說：「咁嘅年紀打到咁，我覺得都幾威！絕對交代到。（對票房有冇信心？）不嬲唔理呢啲，我做到最好表現就OK！（之前同呢套戲導演合作就攞影后，有冇信心再掃獎？）動作片唔好期望太多，係難啲！」
自認好騷：露都冇所謂
對於惠英紅不再拍動作片，任達華笑指要邀對方拍愛情動作片：「佢骨子裏性感(口架)！啲小鮮肉會睇到流晒口水！一於拍一套老版《雛妓》，我做導演，將佢嘅性感散發出嚟！」惠英紅表示認同：「我都知我個人好騷！（即係應承？）睇吓劇本先！一陣佢話三點畢露點搞呀？起碼畀半年時間我操一操，露都冇所謂，但要操到最佳狀態！」
對於劉永現時生活樸素，兒子升學亦僅能給利是一封，任達華昨日接受電話訪問時，直言家家有本難唸的經，外人根本不知內情，認為能解決問題及開心最重要：「希望個仔繼續努力讀書，劉永搵到錢就可以照顧吓屋企人！」
文：影視組