劉永唏噓冇錢供書 我用長者優惠搭車

現年67歲的資深演員劉永在70年代是著名邵氏影星，人氣一時無兩，在80年代演過多套亞視劇《秦始皇》、《成吉思汗》等，並與首屆亞姐冠軍黎燕珊結婚，育一子一女，惜離婚收場。2000年時黎燕珊更向香港法院申請禁制令，阻止劉永接觸一對子女。

靠邊站等影相

近年劉永轉戰內地工作，多演大配角，經濟狀況一般，前晚他現身銅鑼灣出席有份客串的英皇電影《Mrs K》首映，身穿全黑休閒服打扮樸實，起初低調地站在旁邊，讓主角任達華及惠英紅拍照，等了逾十分鐘，他才在工作人員安排下到布景板前拍照及受訪。他表示近年多數在內地工作，現居於深圳，最近接拍麥浚龍執導的電影，希望有更多返港開工的機會。

動用積蓄 封數萬元利是

對於前妻黎燕珊日前透露按樓供兒子到英國升學，劉永直認自己經濟能力不夠，但很開心兒子有心繼續讀書，他說：「我係綠葉咋大佬！內地有好多人唔識我，我仲係坐港鐵，要用長者優惠，我都想畀大封啲利是，但能力有限，我仲係默默耕耘！」期間他愈說愈激動，多次表示也想自己是有錢佬供養兒子，並唏噓地說：「我梗係希望有一大筆錢，搵專機送佢去，再買別墅添啦！（睇到呢類報道有冇唔開心？）唔會嘅，唯有自己再勤奮啲，只怪自己做老竇冇用，冇辦法呀！」

劉永昨日接受電話訪問時表示跟兒子間中有見面飲茶：「希望做好啲，自己做阿爸都有責任，依家邊度有工開就去邊度，返香港住係困難，因為冇錢租樓，我係老人家要搭港鐵，仍需努力，但唔需要拎綜援。」他透露給兒子的利是有數萬元，是自己的積蓄，但真的不能負擔三年要100萬元的升學學費，又透露已組新家庭，有另外兩名兒子要養，而他們讀書也是靠政府資助。

黎燕珊：佢亦都盡晒力

對於前夫劉永生活有壓力，黎燕珊昨日接受電話訪問時表示了解對方狀況，認為作為父母絕對痛錫仔女，只是對方暫未能於金錢上協助，更說：「我同個仔講凡事要感恩，同前夫講係因為佢有責任要知，咁佢亦都盡晒力，我從來冇怪佢，知佢有新家庭，生活都有負擔，所以惟有我辛苦啲加班，搵個仔啲學費啦！」

文：影視組