陳凱琳畀嘉穎埋姊妹堆
藝員陳凱琳（Grace）與歐錦棠昨日到銅鑼灣出席活動，騷長腿的Grace在歐錦棠指導下擺出李小龍的招牌Pose。講到Grace日前帶男友鄭嘉穎，與陳嘉寶、賴慰玲與另一半聚會，她表示嘉穎與大家都很熟。問到佗B的賴慰玲是否食欲大增？Grace說：「都有，唔好睇小佢，佢本身都幾食得，但佢要戒口。（做契媽？）已經係契媽啦，佢都想我幫手改BB嘅英文名。（知道係仔定女？）知道，但暫時唔講得，要幫手守秘密。」
而歐錦棠日前演出舞台劇時不慎跌倒致左手甩骹，負傷的他仍落力示範單手耍雙節棍。講到左手康復情況，他透露打石膏固定三星期，再接受物理治療。問可有影響日常生活，歐錦棠笑說：「依家要靠老婆囉！佢幫我沖涼、着褲，男人可以唔沖涼，但唔可以唔着褲出街，老婆平時會幫兩隻波斯貓洗面，依家佢抹完貓抹我呀！呢個係教訓我平時要對老婆好啲！」
