洪永城炸死定詐死？袁偉豪股起高潮

2014年無綫重頭劇《使徒行者》播放掀起全城熱話，最高收視達35點，相隔3年、前晚啟播的《使徒行者2》承接餘威，首播14小時全球網上點擊率已錄得過億，除客串演出的位位分量十足外，5位臥底警察洪永城、連詩雅、何雁詩、古明華及楊潮凱齊齊被炸死一幕成為網民熱話，劇情更交代他們的上司「三哥」苗僑偉因此大受打擊，向同僚張兆輝透露自己萌生去意。而昨晚播出的第2集繼續「有人死」，手頭上持有不少證據的張兆輝被槍殺外，「歡喜嫂」陳煒亦抱初生兒「橫屍街頭」，令「歡喜哥」許紹雄痛不欲生，劇情要幾催淚有幾催淚！其後劇情發展，黃德斌亦將會被殺。

「死不足惜」

首播兩集「帳面」已有7個人死，不過可靠消息卻指5位被炸死的臥底警察中，其實有一人稍後會「翻生」再出場，但到底誰能死裏逃生兼影響日後故事發展，台前幕後均守口如瓶。楊潮凱、何雁詩及古明華回應自己的「命運」時故作神秘，古明華笑言：「監製初初同我講『炸死』，我聽錯咗以為係『詐死』，只可以講咁多，其他乜都唔講得。」而據本報查探所得，「幸運之神」將降落在洪永城或楊潮凱其中一人身上，其餘3個「冇得留低」﹗洪永城昨日回應「早死」說：「每套劇、每位演員都有唔同功能，冇話可惜唔可惜，嚟緊會有愈嚟愈多演員加入，令劇集更緊湊、更有追看性。（你會翻生？）死咗！」而前晚劇情交代三哥拿着玉佩去找楊潮凱媽媽，似為日後劇情埋下伏線，故楊潮凱可能是「終極翻生者」！

洪永城以死不足惜回應「死訊」。	袁偉豪	奉命晒肌的袁偉豪，未到中秋已裸晒「八月十五」。

另外，身為《使》劇主角的袁偉豪（Ben）及黃翠如昨晚終於出場，角色性格玩世不恭的Ben將成為陳豪手下，劇情安排他不停騷肌，發展到第9集更出現「晒股」的震撼畫面，絕對是為藝術犧牲色相！該集劇情將交代翠如有事登門找Ben，卻突有仇家上門，患上大感冒的Ben赤裸上身、只穿Boxer，與仇家對打時不慎被剝褲露股，然後用棉胎包住自己及翠如齊齊跳樓逃生，相信屆時再會掀起高潮。Ben受訪笑說：「晒肌係編劇安排啫！（擔心露股會被投訴？）出咗街先算啦，拍得咁辛苦，唔會唔出啩？」

黃德斌劇中將橫屍街頭。	洪永城：死咗啦！（設計對白）	連詩雅：同歸於盡？（設計對白）

此外，袁偉豪被本報踢爆與港姐張寶兒的戀情後，前晚他缺席劇集宣傳，原來與女友「蜜遊」沖繩，更被一對香港男女遊客未經同意下當面拍照而掃興。袁偉豪說：「當時我有叫佢哋唔好影，雖然我係藝人啫！但我唔識你，你又唔識我，咁我攞部相機係咁影你咁點呀？」

何雁詩：爆炸係真嘅！（設計對白）	楊潮凱：唔劇透啦！（設計對白）	古明華：係咪詐死？（設計對白）

文﹕影視組