劉佩玥有富貴新歡「前度」陳安立自知冇行

藝人陳安立與黃芷晴昨日為ViuTV節目《雙商》宣傳，陳安立被問到緋聞女友劉佩玥秘撻有米新歡一事，他說：「唔知喎！如果係真，都戥佢開心。佢Keep住有好多呢啲傳聞，上次同佢畀人影到，其實我哋一班Friend食飯、打波！（新歡係邊個？）估唔到！佢太多煙幕。（你有冇機會？）冇啦！佢女神級、好女仔，但冇乜機會，大家係好朋友！」而芷晴則透露想搞網上蛋糕店，但不會跟男友合作，因二人常為雞毛蒜皮事嗌交。