麥嘉欣唔想比較 讚雷莊𠒇大方

2017年國際小姐澳門代表麥嘉欣與香港代表王詠珩（Wing）、藝人馬浚偉、黃日華女兒黃芷晴及有「地表最帥數學教授」之稱的博塞利昨日現身富薈馬頭圍酒店開幕典禮。Sofia與Wing首度出席公開活動，對於網民將兩人與港姐冠軍雷莊𠒇作比較，Sofia說：「唔係咁睇，我睇過佢嘅訪問，談吐大方，佢近期做訪問都講多咗廣東話，好努力學廣東話。就算將來我哋同場，都唔好比較，因為大家係代表唔同地方、唔同比賽。」Wing亦讚雷莊𠒇在比賽當晚表現大方：「佢好有自信，自信都係另一種美，呢方面好值得學習。」

冧賀男友生日

Sofia又戥雷莊𠒇壓力大，坦言：「如果我係佢，睇完啲留言，會去改善。（澳門小姐較少是非？）都係！」至於懶理網民抨擊的雷莊𠒇，昨日上載「口張開」挨近牙醫男友的合照，寫下冧爆愛的宣言祝賀男友生日，惟有網民竟特意開ig帳戶繼續惡搞她，雷莊𠒇仍發千字文揚言活得開心，不會改變自己，EQ勁高！

雷莊𠒇懶理網民言論，照樣Po相慶祝男友生日。	王詠珩揚言要學習雷莊𠒇的自信。	馬浚偉（右）、羅寶文（左三）與博塞利（左）等出席酒店開幕典禮。

馬浚偉多搞作

同場的富豪酒店國際控股有限公司副主席兼董事總經理羅寶文大讚博塞利有腦，問到對方是否符合其擇偶條件？她笑言相信很多人會喜歡他，但擇偶首要條件是性格夾得來！而博塞利表示有意來港發展，正忙於籌備其時裝品牌。而與羅寶文分屬好友的馬浚偉透露以友情價為酒店拍攝微電影作宣傳，又說計劃明年在上海開新公司搞製作，希望可以開拍電影，問到會否叫寶文注資？他笑言是好提議。

文：名人組