翠如笑袁偉豪除衫冧女

無綫藝人黃翠如、袁偉豪、陳美詩及廖碧兒等昨日出席活動，袁偉豪自爆女友張寶兒得到他的滋潤，故皮膚好好，又稱中秋將至，有時間會見家長「聯誼吓」，並透露其實見過張母一次。問翠如可有過兩招教袁偉豪冧未來外母？她說：「佢好叻，係女人湯圓，睇佢成日除衫就知，我哋一齊拍劇，佢劇入面成日除衫，我都睇到悶。」而當被追問婚事時，翠如表示結婚未有時間表，袁偉豪隨即「搞事」插嘴：「你之前去澳洲係咪註冊？」翠如望實對方「還擊」：「你之前都一齊去咗旅行。」場面搞笑。