孖蔡一傑入廁所試音 許志安喊驚

草蜢成員蔡一傑早前請來許志安合唱新歌《男藍》,日前二人化身「帥氣酒保」及「灰爆打工仔」拍MV,並邀得導演老友郭嘉萍及攝影師好友操刀,傑仔坦言能邀得二人出山感榮幸:「佢哋依家係做演唱會導演同大型品牌攝影師,今次除咗重金禮聘外,仲因為大家都好好感情。」

而安仔自爆首次試音是在傑仔家中的廁所,他哈哈笑說:「當日我去佢屋企食飯,然後就入廁所試唱,鍾意廁所唱歌有回音。」又笑說曾擔心被誤會是「HeHe」:「當時好驚,嘩,兩個男人閂埋廁所門喺裏面大嗌喎,驚傑仔嘅家傭姐姐聽到,會嚇到報警,惟有盡量唱得細聲啲。」