杜汶澤請爆乳女抹地換水

藝人杜汶澤昨晚上載幾張索女相,相中人是擁有健康膚色的性感少女,分別穿上低胸小背心及比堅尼,豐滿上圍呼之欲出,另一張相就露玉背,形象惹火!阿澤留言:「請到人做我公司見習生,返十二點收十二點,你哋覺得佢個款,似唔似做得到呢?!」網民看過照片後,紛紛踴躍留言:「我等睇杜太留言!」其好友林敏驄更抵死留言問:「體檢咗未?」相中人樣靚身材正,網民好快已成功起底!她名叫楊浩兒,洋名Manchester,是曼聯忠實球迷,她平日亦不時在instagram上載性感照晒身材。

杜汶澤昨日接受訪問,原來他與朋友合資搞生意,聘請了楊浩兒做見習生,並笑言她見工時已明言愛穿吊帶衫,不會為了上班而改變造型打扮。不少網民都想知道阿澤有否被太太田蕊妮扭耳仔,他只以新公司名稱「Hahaha」作回應,問到會否考慮簽Manchester做幕前?阿澤說:「請佢返嚟,除咗抹地之外,都仲要做其他嘢嘅。佢本身係讀新聞系,我有好多嘢要佢幫手跟,同埋做啲資料搜集工作,咁做完之後,當然要換埋蒸餾水同叫飯盒啦!」